Arnaldo Otegi ingresa na cadea de Martutene
O Tribunal Supremo confirmou a sentenza pola que o condenan a 15 meses de cárcere por un delito de "enaltecemento do terrorismo".
Arnaldo Otegi está acusado de 'enaltecemento do terrorismo'
O dirixente de Batasuna Arnaldo Otegi foi detido na mañá deste venres en Donostia por orde da Sección Terceira do Penal da Audiencia Nacional española, e foi conducido ao cárcere guipuscoano de Martutene.
O apresamento prodúcese logo de coñecer que o Tribunal Supremo confirmou a sentenza pola que se lle condena a 15 meses de cárcere por un delito de "enaltecemento do terrorismo", concretamente na homenaxe ao membro da ETA Argala.
"Non procede o recurso"
O Alto Tribunal español acordou esta decisión por unanimidade tras estudar os argumentos da fiscalía do Tribunal Supremo e de Jone Gorizelaia, avogada defensora de Otegi, que as partes expuxeron durante a vista celebrada este xoves.
O fallo afirma textualmente "non procede o recurso de casación por quebrantamento de forma e infracción de lei e de precepto constitucional dirixido por Arnaldo Otegi".
Esta decisión foi comunicada por fax á Audiencia Nacional española que ordenou a inmediata detención do dirixente abertzale. A sentenza completa farase pública nos próximos días.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto