Vieiros

Galiza rexistrou o segundo maior descenso a nivel estatal nas cifras de compravenda de vivendas no primeiro semestre de 2007, ao alcanzar unha baixada do 16,6%, só superada por Cataluña, que realizou un 19,2% menos de operacións. A media estatal quedou nun 10,2%, segundo as cifras do Colexio de Rexistradores.

Alén de Galiza e Cataluña houbo tamén fortes caídas no mercado en Madrid e Canarias, nos dous casos un 16,4%, e en Cantabria, un 15%. Os únicos incrementos no conxunto do Estado producíronse na Comunidade Valenciana, un 15,2% máis, Navarra, un 11%, A Rioxa, un 9% e Castela-A Mancha, incremento do 3%.