Vieiros

O proxecto DNA Rainbow, que creou imaxes a partir do código do ADN humano, decidiu dar un paso máis e lanzar a DNA Radio, unha emisora en liña que retransmite todas as bases (A, C, G, T) dos cromosomas humanos, unha detrás da outra.

A radio, que se pode escoitar en directo vía streaming, está a emitir xa o cromosoma 1. O proxecto rematará cando se reproduzan todos os cromosomas, o que se calcula que acontecerá dentro de 23 anos e medio, coa lectura de tres caracteres por segundo. Deste xeito, agora, ademais de poder ver o xenoma tamén se pode escoitar, aínda que sexa mediante unha voz sintetizada que le cada inicial dos nomes dos nucleótidos.

Este novo servizo na rede non promete ser especialmente entretido, sobre todo se o comparamos coas imaxes sacadas a partir das secuencias xenéticas, onde se poden atopar mesmo patróns xeométricas ou áreas onde predominan determinadas cores sobre outras.