Vieiros

A manifestación que percorreu as rúas de Compostela este domingo, tamén tivo un seu sitio na prensa estatal, mentres na galega ocupou as primeiras planas, con imaxes dos manifestantes, e as primeiras páxinas, con crónicas que dan contra do acontecido na capital, durante unha histórica mobilización en defensa do galego.

Sen coincidir co adxectivo de "histórica", na prensa madrileña tamén dan conta da magnitude da manifestación. O xornal Público sinálaa como "gran manifestación contra a nova Xunta", explicándolles aos seus lectores que foi "unha das primeiras propostas do presidente conservador" a que provocou que "os galegos que pretenden normalizar o uso do seu idioma saíran á rúa". Nesta liña, despois de sinalar os lemas que se berraron polas rúas da cidade vella, e na ateigada, por dúas veces, Praza da Quintana, na nosa lingua, destacan que os "grandes ausentes" foron os membros do "PSOE galego".

No tamén madrileño xornal El País (na edición Galicia) fan unha extensa crónica da manifestación, especificando nunha información á parte por que non asistiron os socialistas galegos, describindo o acto de homenaxe a Piñeiro que desenvolveron no cemiterio de Boisaca, a poucos quilómetros do núcleo da mobilización. Noutros xornais fanse eco das reaccións do presidente do Goberno, Alberte Núñez Feijoo, e nos máis conservadores céntranse en destacar a posición do BNG ou dos movementos "contrarios" a asociacións coma Galicia Bilingüe. A esta asociación tamén se refiren no xornal catalán La Vanguardia, lembrando a mobilización que protagonizara en febreiro, "moito menos concorrida".

Algunhas ligazóns ás noticias aparecidas na prensa estatal:

• El País (edición Galicia): Decenas de miles de personas exigen al PP que el gallego "no dé un paso atrás" | Los socialistas tienden la mano al consenso por la lengua gallega
  
• Público: Masiva manifestación por el derecho a vivir en gallego
• Axencia Europa Press (na sección Nacional): El PPdeG "respeta" la manifestación de A Mesa pero dice "no estar al lado de los que apoyan la imposición del gallego"
• ABC: El nacionalismo toma la calle antes de chequear el modelo lingüístico de Feijóo
• Cope: Feijóo anuncia que promocionará el gallego, sin imponerlo
• Qué: Marcha 'por el derecho a vivir en gallego'
• ADN: Miles personas desafían a la lluvia para pedir "ni un paso atrás" uso gallego
• La Vanguardia (Cataluña): Nunca Máis resurge para proteger la lengua gallega
• Vilaweb (Cataluña): Manifestació a Galícia pel dret de viure en gallec