Vieiros

Castela-A Mancha, Castela e León, Galiza, Canarias e Cantabria son no conxunto do Estado as zonas con maior vulnerabilidade fronte aos incendios forestais. Así o pensan os expertos que elaboraron para o colectivo ecoloxista WWF-Adena o informe Incendiómetro 2009.

O estudo repasa até 21 variábeis, fixándose por exemplo no déficit de investimentos no territorio forestal ou o despoboamento. Por exemplo, os investigadores outórganlle a Galiza un dos peores resultados na avaliación da estrutura e xestión territorial como un dos factores de risco, moi por riba da media estatal. Tamén destacan negativamente a reducida porcentaxe de territorio forestal ordenado e o escaso investimento no sector forestal con respecto a outras áreas de actividade.