Vieiros

"É un novo compromiso cumprido de Núñez Feijoo", asegurou o voceiro parlamentario do PPdeG, Manuel Ruiz Rivas, en conferencia de prensa celebrada na Cámara, onde recordou que o xefe do Executivo comprometera a "revisión" deste decreto e agora "cumpre" coa súa anulación.

Ruiz Rivas, aplaudiu así a decisión da Xunta de derrogar o decreto eólico aprobado polo anterior Goberno ao considerar que supón "a reposición da legalidade que nunca se debeu perder". Rivas resaltou que a decisión de derrogar o concurso eólico está baseada "en informes xurídicos que a avalan" e serve para "retomar" o "principio básico de legalidade".